લોકભાષા-ભુજ :
ઇન્સ્ટ્રાગ્રામ પરની આઇડીમાં કમરમાં બંદુક લટકાવીને ફિલ્મી ડાયલો બોલી સીનસપાટા કરતા ભુજના યુવકને એલસીબીએ પકડી પાડીને આગળની કાર્યવાહી માટે પધ્ધર પોલીસને હવાલે કર્યો હતો. પોલીસે પરવાના વાળી બંદુક કબ્જે કરીને આગળની કાર્યવાહી કરી હતી.
સોશીયલ મીડિયામાં ઇન્સ્ટ્રાગ્રામના એકાઉન્ટમાં મોદીશા જમનશા શેખ નામના યુવકે કમરમાં બંદુક સાથે ફીલ્મી ડાયલોગ બોલતો હોવાની રીલ પોસ્ટ કરી હતી. જે એલસીબીની ટીમને મળતાં એલસીબીની ટીમએ તાત્કાલિક તપાસ કરીને ભુજના અનિશા પાર્કમાં રહેતા મોદીશા જમનશા શેખને પકડીને લીધો હતો. યુવક પાસે લાયસન્સ સાથેની બંદુક હોવાનું જાણવા મળતાં યુવકને બંદુક સાથે પધ્ધર પોલીસ સ્ટેશનમાં સોંપ્યો હતો. પધ્ધર પોલીસે આર્મ એક્ટનો ગુનો નોંધીને યુવક પાસેથી બંદુક કબ્જે કરીને આગળની કાર્યવાહી કરી હતી.
