Author: Nidhiresh A Raval
લોકભાષા-ગાંધીનગર :ગુજરાતના હવામાન વિભાગ દ્વારા રાજ્યના વાતાવરણને લઈને એક તાકીદની ચેતવણી જાહેર કરવામાં આવી છે. હવામાન વિભાગના તાજેતરના બુલેટિન અનુસાર, આગામી ૩ કલાકમાં ગુજરાતના ૮ જિલ્લાઓમાં મધ્યમ તીવ્રતાના વાવાઝોડા (થંડરસ્ટોર્મ) સાથે ભારે વરસાદ ખાબકવાની પ્રબળ સંભાવના છે.હવામાન વિભાગની યાદી મુજબ, બનાસકાંઠા, કચ્છ, મહેસાણા, મોરબી, પાટણ, રાજકોટ, સાબરકાંઠા અને સુરેન્દ્રનગર જિલ્લાના છૂટાછવાયા વિસ્તારોમાં આગામી ત્રણ કલાક દરમિયાન મેઘરાજા રૌદ્ર સ્વરૂપ ધારણ કરી શકે છે. ૬૧ કિમીની ઝડપે ફૂંકાઈ શકે છે પવનઆગામી કલાકોમાં આ આઠેય જિલ્લાઓમાં માત્ર ભારે વરસાદ જ નહીં, પરંતુ ૪૧ થી લઈને ૬૧ કિલોમીટર પ્રતિકલાકની ઝડપે તેજ પવન ફૂંકાવાની પણ શક્યતા સેવાઈ રહી છે. વાવાઝોડા અને ભારે પવનની આ…
લોકભાષા-ગાંધીધામ :અબડાસા તાલુકાના ઉસ્તીયા ગામે આજે તારીખ 14 સપ્ટેમ્બરના રોજ સાંજના સમયે કુદરતનો પ્રકોપ જોવા મળ્યો હતો, જ્યાં એક ધાર્મિક સ્થાન પર આકાશી વીજળી ત્રાટકવાની ઘટના સામે આવી છે. ગામમાં આવેલા પ્રખ્યાત મોમાઈ માતાના મંદિર પર વીજળી પડતાં તેના શિખરને ભારે નુકસાન પહોંચ્યું છે.મળતી માહિતી મુજબ, આજે સાંજથી જ સમગ્ર અબડાસા પંથકમાં હવામાનમાં અચાનક પલટો આવ્યો હતો. અસહ્ય ઉકળાટ બાદ વીજળીના કડાકા-ભડાકા અને તીવ્ર ગડગડાટ સાથે તોફાની વાતાવરણ સર્જાયું હતું. આ દરમિયાન ઉસ્તીયા ગામમાં આવેલા મોમાઈ માતાજીના મંદિરના શિખર પર અચાનક આકાશી વીજળી ખાબકી હતી. વીજળી પડવાના કારણે મંદિરના શિખરનો કેટલોક ભાગ તૂટી પડ્યો હતો અને તેને મોટું નુકસાન થયું…
લોકભાષા-ગાંધીધામ :ગાંધીધામમા આશરે 300 જેટલા ગરીબ પરિવારોના ઘરો તોડવાની જે કાર્યવાહી કરવામાં આવી રહી છે, તેની સામે ન્યાય મેળવવાની માંગ સાથે આજે ભારે વિરોધ પ્રદર્શન જોવા મળ્યું હતું. બહુજન આર્મીના સ્થાપક લખન ધુવાના સમર્થનમાં ગાંધીધામના ઓસ્લો રોડ પર ચક્કાજામનું આયોજન કરવામાં આવ્યું હતું.આ વિરોધ પ્રદર્શન દરમિયાન બહુજન આર્મીના પ્રમુખ વીરૂ પરમાર સહિતના અગ્રણીઓ અને મોટી સંખ્યામાં કાર્યકરોએ રસ્તા પર ઉતરી આવી માર્ગ રોકવાનો પ્રયાસ કર્યો હતો. જેને પગલે ઓસ્લો રોડ પર વાહનવ્યવહાર ખોરવાયો હતો.પોલીસને ઘટનાની જાણ થતાં જ ગાંધીધામ બી ડિવિઝન પોલીસનો કાફલો તાત્કાલિક ઘટનાસ્થળે દોડી ગયો હતો. શહેરમાં કાયદો અને વ્યવસ્થાની પરિસ્થિતિ જળવાઈ રહે તે માટે પોલીસે ચક્કાજામ કરી…
લોકભાષા-ગાંધીધામ :કચ્છ જિલ્લામાં હવામાન વિભાગની આગાહી પગલે આજે સવારથી જ સમગ્ર પંથકમાં વાદળછાયું વાતાવરણ જોવા મળ્યું હતું. આ દરમિયાન સવારે ૧૦ થી ૧૨ વાગ્યાના બે કલાકના ટૂંકા સમયગાળામાં ભુજ શહેરમાં ધોધમાર એક ઇંચ વરસાદ ખાબક્યો હતો, જેના કારણે રસ્તાઓ પર પાણી ફરી વળ્યા હતા.ભુજ ઉપરાંત જિલ્લાના અન્ય તાલુકાઓમાં પણ સવારથી જ વરસાદી માહોલ જામ્યો હતો. પૂર્વ કચ્છની વાત કરીએ તો, ભચાઉમાં ૪ મીમી અને ગાંધીધામમાં ૩ મીમી વરસાદ નોંધાયો છે.જ્યારે પશ્ચિમ કચ્છના દરિયાકાંઠાના વિસ્તારોમાં પણ મેઘમહેર જોવા મળી હતી, જેમાં માંડવીમાં ૭ મીમી અને મુંદ્રામાં ૨ મીમી વરસાદ પડ્યો હતો.સમગ્ર કચ્છમાં લાંબા સમય બાદ આવું વરસાદી વાતાવરણ સર્જાતાં અને ધીમી…
લોકભાષા-નખત્રાણા :નખત્રાણા-લખપત હાઇવે પર નવાનિર્મિત મથલ બ્રિજ નજીક પસાર થતી નર્મદાની મુખ્ય પાઇપલાઇનમાં અચાનક ભંગાણ સર્જાતાં હજારો લિટર પીવાનું પાણી વેડફાઇ ગયું હતું. પાઇપલાઇનના એરવાલ્વમાંથી અંદાજે ૩૦ ફૂટ જેટલા ઊંચા પાણીના ફુવારા ઊડતાં આસપાસનો વિસ્તાર જળબંબાકાર થઈ ગયો હતો.નખત્રાણા-લખપત હાઇવે નવા બનેલા મથલ બ્રિજ નજીક એરવાલ્વમાં ભંગાણ થવાના કારણે ૩૦ ફૂટ ઊંચે સુધી પાણીના ઉછાળા મારતા ફુવારા થકી મોટી માત્રામાં પાણી રસ્તા પર વહી જતાં લોકોના ટોળેટોળાં ઉમટી પડ્યા હતા. આ દરમિયાન કેટલાક વાહનચાલકો વહેતા પાણીમાં પોતાના વાહનો ધોતા નજરે પડ્યા હતા.એક તરફ ગ્રામ્ય વિસ્તારોમાં પીવાના પાણીની અછતને કારણે નાગરિકો મુશ્કેલી ભોગવી રહ્યા છે. ત્યારે બીજી તરફ નર્મદા લાઇનના એરવાલ્વમાં…
લોકભાષા-ગાંધીધામ :ગાંધીધામ હાઇવે પર સમશાન પુલિયા નજીક આજે સવારે આશરે 8 વાગ્યાના અરસામાં ટ્રેલર અને પિકઅપ બોલેરો વચ્ચે ગમખ્વાર અકસ્માત સર્જાયો હતો. અકસ્માતમાં બોલેરોમાં સવાર 8 લેબરમાંથી એક વ્યક્તિનું મોત નીપજ્યું હોવાનું જાણવા મળ્યું છે, જ્યારે અન્ય 7 લોકો ઘાયલ થયા હોવાનું સામે આવ્યું છે.અકસ્મતાને પગલે ઘટનાસ્થળે લોકોના ટોળા એકત્ર થયા હતા. ઇજાગ્રસ્તોને સારવાર માટે ખસેડવાની કામગીરી હાથ ધરવામાં આવી હતી.ગાંધીધામ હાઇવે પર ભારે વાહનોની બેફામ અવરજવર વચ્ચે અકસ્માતની આ ઘટના ફરી એકવાર માર્ગ સુરક્ષા અને ટ્રાફિક નિયંત્રણ સામે સવાલો ઉભા કરે છે. બેફામ દોડતા ભારે વાહનો પર કડક નિયંત્રણ ક્યારે આવશે અને અકસ્માતોમાં વધુ કેટલા જીવ જશે તેવો સવાલ…
લોકભાષા-ભુજ : ગાંધીધામ મહાનગરપાલિકા વિસ્તારમાં મુખ્યમંત્રી ભૂપેન્દ્રભાઇ પટેલ દ્વારા રૂા.૨૮૬ કરોડના વિકાસ કામોનું વર્ચ્યુઅલી ખાતમુહૂર્ત કરવામાં આવ્યું હતું. આ પ્રસંગે વિકાસકામોની ભેટ આપતા મુખ્યમંત્રીએ ગુણવત્તાયુક્ત કામો કરવા પર ભાર મુકતા શહેરીજનોને “વિકસિત ભારત ૨૦૪૭”ના સપનાને સાકાર કરવા સહકાર આપવા તથા શહેરીજનોને સ્વચ્છતામાં પણ અગ્રેસર રહેવા અનુરોધ કર્યો હતો. ઇફકો ઓડિટોરિયમ ખાતે યોજાયેલા આ કાર્યક્રમમાં મુખ્યમંત્રી દ્વારા ગાંધીધામના રાષ્ટ્રીય ધોરીમાર્ગના સર્વિસ રોડથી આદિપુર સુધીના અંદાજિત ૧૩૫ કરોડના ખર્ચે લગભગ ૧૦ કિલોમીટરનો રીંગ રોડ, મેઘપર બોરીચી તથા મેઘપર કુંભારડીની ૧૦૦ કરોડથી વધુની પાણીયોજના, ૨૨ કરોડથી વધુના ખર્ચે મહાનગરપાલિકાની મુખ્ય કચેરી તથા ૨૦ કરોડથી વધુના અલગ અલગ માર્ગોના કામનું વર્ચ્યુઅલી ખાતમુહૂર્ત કરવામાં આવ્યું…
લોકભાષા-ભુજ : કચ્છ કલેક્ટર અને મુંદરા પ્રાંત અધિકારીના માર્ગદર્શન હેઠળ માંડવી તાલુકાના શિર્વાની ગામે સરકારી જમીન પર થયેલું મોટું ગેરકાયદેસર દબાણ મામલતદાર માંડવીની ટીમ દ્વારા દૂર કરવામાં આવ્યું છે. પ્રાપ્ત વિગતો અનુસાર, શિર્વાની ગામના સરકારી સર્વે નંબર ૪૦૮ પૈકીની જમીન પર ગેરકાયદેસર બાંધકામ ખડકી દેવામાં આવ્યું હતું. આ દબાણમાં ૭૦૦ ચોરસ મીટરના વિસ્તારમાં રહેણાંક મકાન, પતરાવાળું શેડ અને બે દુકાનો તેમજ ૬૦૦ ચોરસ મીટરના વિસ્તારમાં બે ગોડાઉન જેવા દેખાતા રૂમો અને તેની ફરતે દીવાલ બનાવવામાં આવી હતી. આમ, કુલ ૧૩૦૦ ચોરસ મીટર જેટલી સરકારી જમીન પર કબ્જો કરવામાં આવ્યો હતો, જેની જંત્રી મુજબની અંદાજિત કિંમત રૂા.૬,૫૦,૦૦૦/- જેટલી થવા જાય છે.…
લોકભાષા-નલિયા : અબડાસા તાલુકામાં વાતાવરણમાં પલટો આવ્યા બાદ વિવિધ વિસ્તારોમાં ધીમી ધારે તથા ઝાપટાં સ્વરૂપે વરસાદનું આગમન થયું છે. તાલુકાના મુખ્ય મથક નલિયા ઉપરાંત દરિયાકાંઠાના જખૌ, વાયોર તથા આસપાસના ગ્રામ્ય વિસ્તારોમાં વરસાદી માહોલ જામ્યો હતો. નલિયા અને અન્ય આસપાસના વિસ્તારોમાં વરસાદના ઝાપટાં પડતાં સમગ્ર પંથકમાં વાતાવરણમાં આહલાદક ઠંડક પ્રસરી ગઈ છે અને લોકોને બફારામાંથી રાહત મળી છે. આ વરસાદી ઝાપટાંના કારણે વિસ્તારના ખેડૂતોમાં ખુશીનો માહોલ જોવા મળી રહ્યો છે. પાક માટે આ વરસાદ ખૂબ જ ફાયદાકારક સાબિત થશે તેવી આશા સાથે ધરતીપુત્રોમાં આનંદની લહેર વ્યાપી ગઈ છે. વરસાદને પગલે આગામી દિવસોમાં કૃષિ પ્રવૃત્તિઓને પણ નવજીવન મળશે તેમ માનવામાં આવી રહ્યું…
લોકભાષા-ગાંધીનગર :દેશભરમાં વાહન માલિકીની તબદીલી અને નો-ઓબ્જેક્શન સર્ટિફિકેટ-NOC મેળવવાની પ્રક્રિયાને વધુ પારદર્શક, સુરક્ષિત અને સરળ બનાવવાના હેતુથી ભારત સરકાર દ્વારા પરિવહન પોર્ટલ પર એક મહત્વપૂર્ણ સુધારો કરવામાં આવ્યો છે. આ નવી વ્યવસ્થા અંતર્ગત હવે વાહનની માલિકી ફેરફાર અને અન્ય રાજ્યોમાં વાહન તબદીલ કરવાના કિસ્સામાં પરિવહન પોર્ટલ પર આધાર કાર્ડ લિંક કરવું ફરજિયાત કરવામાં આવ્યું છે. ગુજરાત સહિત દેશભરમાં આ નિર્ણયનો અમલ તા. ૧૫ જુલાઈ ૨૦૨૬થી કરી દેવામાં આવ્યો છે.વાહન ધરાવતા તમામ નાગરિકોને વાહન રેકોર્ડ અને આધાર કાર્ડના રેકોર્ડમાં કોઈપણ પ્રકારની વિસંગતતા કે સમસ્યા સર્જાય નહીં તેવા હેતુથી આ બે મહત્વપૂર્ણ સેવાઓમાં સુધારો કરાયો છે. આ પ્રક્રિયા અંતર્ગત દરેક અરજદારે પોતાના…