Author: Nidhiresh A Raval
લોકભાષા-આણંદપર : નખત્રાણાના મુખ્ય વિસ્તાર એવા વથાણ ચોકમાં આવેલી ‘નરનારાયણ ફર્નિચર’ નામના શોરૂમમાં અચાનક શોર્ટ સર્કિટના કારણે આગ લાગતા સમગ્ર વિસ્તારમાં અફરાતફરીનો માહોલ સર્જાયો હતો. ફર્નિચરનો સામાન હોવાના કારણે આગે જોતજોતામાં રૌદ્ર સ્વરૂપ ધારણ કરી લીધું હતું. નખત્રાણા નગરપાલિકાનો દરજ્જો ધરાવતું હોવા છતાં ત્યાં કાયમી ધોરણે ફાયર ફાઈટરની સુવિધા ઉપલબ્ધ ન હોવાથી આગ પર કાબૂ મેળવવામાં મોટો વિલંબ થયો હતો. પરિણામે આગને ઓલવવા માટે ભુજ અને માતાના મઢથી ફાયર ફાઈટરની ટીમ બોલાવવી પડી હતી. સ્થાનિક વેપારીઓ અને ગ્રામજનોનું કહેવું છે કે જો નખત્રાણામાં જ ફાયર ફાઈટરની સુવિધા હોત તો આગ પર તાત્કાલિક કાબૂ મેળવી શકાયો હોત અને નુકસાનનું પ્રમાણ ઘટી…
લોકભાષા-ગાંધીધામ : ભારતના અગ્રણી મેજર પોર્ટ પૈકીના એક, દીનદયાળ પોર્ટ ઓથોરિટી કંડલાએ મેરિટાઇમ સેક્ટરમાં ઓપરેશનલ એક્સેલન્સનો એક નવો કીર્તિમાન સ્થાપિત કર્યો છે. કંડલા બંદરે માત્ર ૨૪ કલાકના ટૂંકા ગાળામાં રેકોર્ડબ્રેક ૯,૬૩,૯૫૧ મેટ્રિક ટન કાર્ગોનું સફળતાપૂર્વક હેન્ડલિંગ કરીને ભારતીય બંદર ઇતિહાસમાં એક નવો રાષ્ટ્રીય રેકોર્ડ બનાવ્યો છે. આ ભવ્ય સિદ્ધિ સાથે દીનદયાળ પોર્ટ ઓથોરિટીએ દેશની લોજિસ્ટિક્સ ક્ષમતા અને પોર્ટ આધારિત આર્થિક વિકાસને વેગ આપવામાં પોતાની સર્વોચ્ચતા સાબિત કરી છે. આ સિંગલ-ડે હાઇએસ્ટ કાર્ગો હેન્ડલિંગનો અગાઉનો રાષ્ટ્રીય રેકોર્ડ પણ કંડલા પોર્ટના નામે જ નોંધાયેલો હતો. ગત ૭ સપ્ટેમ્બર ૨૦૨૬ના રોજ પોર્ટે ૯,૦૩,૯૦૪ મેટ્રિક ટન કાર્ગો હેન્ડલ કર્યો હતો. બંદર પ્રશાસને પોતાની જ…
લોકભાષા-ભુજ : ભુજ તાલુકાના બન્નીના સાધારા ગામમાં રહસ્યમય બીમારીથી ચિંતા ફેલાઈ છે. એક જ પરિવારના બે બાળકોના મોત થયા છે, જ્યારે પરિવારના અન્ય 6 સભ્યોને હોસ્પિટલમાં દાખલ કરવામાં આવ્યા છે. બીમારીનું કારણ જાણવા માટે સીરમ અને બ્લડ સેમ્પલ વધુ તપાસ માટે ગાંધીનગર મોકલવામાં આવ્યા છે. આરોગ્ય વિભાગની ટીમે ગામમાં પહોંચી તપાસ શરૂ કરી છે. આ અંગે પ્રાપ્ત વિગતો અનુસાર સાધારા ગામમાં છેલ્લા કેટલાક દિવસથી એક જ પરિવારના સભ્યો બીમાર પડતાં આરોગ્ય તંત્ર દોડતું થયું છે. મળતી માહિતી મુજબ, ગત 23 અને 24 સપ્ટેમ્બરની આસપાસ પરિવારના સભ્યોને અચાનક બીમારીના લક્ષણો દેખાયા હતા. તાવ, માથાનો દુખાવો અને ઉલ્ટીઓ જેવી તકલીફો બાદ પરિવારના…
લોકભાષા-ગાંધીધામ : પૂર્વ કચ્છ પોલીસ તંત્રમાં વહીવટી સરળતા લાવવા અને કાયદો-વ્યવસ્થાની કામગીરીને વધુ વેગવંતી બનાવવા માટે એક મહત્વનો નિર્ણય લેવાયો છે. પૂર્વ કચ્છ જિલ્લા પોલીસ વડા સાગર બાગમાર દ્વારા તાત્કાલિક અસરથી જિલ્લાના 6 પોલીસ ઇન્સ્પેક્ટર્સ (PI)ની આંતરિક બદલીઓના આદેશ કરવામાં આવ્યા છે. પોલીસ બેડામાં થયેલી આ બદલીઓમા દુધઈ પોલીસ સ્ટેશનના પીઆઈ એન. બી. ડોડિયાની બદલી મહિલાઓ વિરુદ્ધના ગુના નિવારણ સેલમાં કરવામાં આવી છે. આર્થિક ગુના નિવારણ સેલના પીઆઈ જે.એમ. જાડેજાને હવે દુધઈ પોલીસ સ્ટેશનની જવાબદારી સોંપાઈ છે. આદિપુરના પીઆઈ એમ.સી. વાળાની બદલી સ્પેશિયલ ઓપરેશન ગ્રુપમાં કરવામાં આવી છે. લીવ રિઝર્વમાં રહેલા પીઆઈ એસ.એન. કરંગિયાને આદિપુર પોલીસ સ્ટેશનના નવા ઇન્ચાર્જ તરીકે…
લોકભાષા-ગાંધીધામ :ગાંધીધામ મહાનગરપાલિકાના વિવિધ વિસ્તારોમાં બે દિવસ પાણીનુ વિતરણ થશે નહીં તેમ ગાંધીધામ મહાનગરપાલિકા દ્વારા જણાવ્યા અનુસાર, શનિદેવ હેડ વોટર વર્ક્સ પર પાણી પુરવઠાની મેન્ટેનન્સની જરૂરી કામગીરી હાથ ધરવામાં આવનાર છે. આ જાળવણી કાર્યને કારણે આગામી તારીખ ૨૯/૦૯/૨૦૨૬ અને ૩૦/૦૯/૨૦૨૬ ના રોજ વિવિધ વિસ્તારોમાં બે દિવસ માટે પાણીનો સપ્લાય સંપૂર્ણપણે બંધ રહેશે.જેથી શનિદેવ હેડ વોટર વર્ક્સથી પાણીન વિતરણ થતા આદિપુર સિટી વિસ્તાર (વોર્ડ ૨-બી, વોર્ડ ૩-એ, વોર્ડ ૪-એ) જૂનો વોર્ડ-૧૨નો વિસ્તાર, મેઘપર કુંભારી, અંતરજાળ, ગુજરાત હાઉસિંગ બોર્ડ વિસ્તાર (કાસેજની બાજુમાં) કિડાણા વિસ્તારમા બે દિવસ પાણીનુ વિતરણ થશે નહી તા. ૧ ઓક્ટોબરથી સપ્લાય નિયમિત થશે. તંત્રના જણાવ્યા મુજબ, મેન્ટેનન્સની કામગીરી પૂર્ણ…
લોકભાષા-ભુજ : ગ્લોબલ ટૂરિઝમ ક્ષેત્રે ગુજરાતને નવી ઊંચાઈઓ પર લઈ જવાના સંકલ્પ સાથે ‘વર્લ્ડ ટૂરિઝમ ડે’ (તા. ૨૭ સપ્ટેમ્બર ૨૦૨૬) ના રોજ ‘GIFT City Club, ગાંધીનગર’ ખાતે ‘Celebrating Gujarat Tourism Year: Timeless Gujarat Countless Experiences’ થીમ હેઠળ એક ભવ્ય રાજ્યકક્ષાના કાર્યક્રમનું આયોજન કરવામાં આવ્યું હતું. આ ગૌરવવંતા કાર્યક્રમમાં ગુજરાતના નાયબ મુખ્યમંત્રી હર્ષ સંઘવી (મુખ્ય અતિથિ) અને પ્રવાસન વિભાગના રાજ્યમંત્રી ડૉ. જયરામભાઈ ગામીત (માનવંતા અતિથિ) ની વિશેષ ઉપસ્થિતિ રહી હતી. આ રાજ્યકક્ષાના મંચ પર ગુજરાતભરમાંથી પ્રવાસન અને હોસ્પિટાલિટી ક્ષેત્રના અગ્રણીઓ, વિવિધ સંસ્થાઓના પ્રતિનિધિઓ, ઉદ્યોગ સાહસિકો, હોમસ્ટે ઓનર્સ, ટૂર ગાઇડ્સ તેમજ મોટી સંખ્યામાં સ્ટેકહોલ્ડર્સ ઉપસ્થિત રહ્યા હતા. વિશેષમાં, ક્રાંતિગુરુ શ્યામજી કૃષ્ણ વર્મા…
લોકભાષા-ભુજ : ગુજરાત સરકારના ખોરાક અને ઔષધ નિયમન તંત્ર દ્વારા રાજ્યવ્યાપી હાથ ધરાયેલી ખાદ્ય સુરક્ષા અને જનઆરોગ્ય રક્ષણ ઝુંબેશ અંતર્ગત કચ્છ જિલ્લામાં તંત્ર દ્વારા સઘન ચેકિંગ કામગીરી હાથ ધરવામાં આવી છે. જેના ભાગરૂપે માધાપર યક્ષના લોકમેળામાં ખાણીપીણીના સ્ટોલ્સ પર ખોરાક અને ઔષધ નિયમન તંત્ર, કચ્છના ફૂડ સેફ્ટી ઓફિસર્સ એમ. એમ. પટેલની સંયુક્ત ટીમે અચાનક દરોડા પાડી વ્યાપક તપાસ હાથ ધરી હતી. તંત્રની ટીમ દ્વારા મેળામાં આવેલા પકોડી (પાણીપૂરી) ના ગલ્લા, ચાર્ટ-દાબેલીના સ્ટોલ્સ, ચાઇનીઝ તથા અન્ય ફાસ્ટફૂડ અને ઠંડા પીણાંનું વેચાણ કરતી કુલ ૪૯ જેટલી પેઢીઓ અને લારી-ગલ્લાઓની બારીકાઈથી તપાસ કરવામાં આવી હતી. આ તપાસ દરમિયાન ખાદ્યપદાર્થો બનાવવા માટે વપરાતી સામગ્રીની…
લોકભાષા-ગાંધીધામ : ધ સિંધુ રિસેટલમેન્ટ કોર્પોરેશન લિમિટેડની ખાલી પડેલી ૩ ડાયરેક્ટર બેઠકોની સામાન્ય ચૂંટણીનું પરિણામ જાહેર થઈ ગયું છે, જેમાં પ્રોગ્રેસિવ પેનલે ભવ્ય વિજય મેળવીને બાજી મારી લીધી છે. આ રસાકસીભરી ચૂંટણીમાં પ્રોગ્રેસિવ પેનલના ત્રણ ઉમેદવારો હેમંત સદારંગાણી, સેવક લખવાણી અને લલિત વિધાની જંગી મતોથી વિજેતા જાહેર થયા છે. આ જીત સાથે જ પ્રોગ્રેસિવ પેનલના સમર્થકો અને કાર્યકરોમાં ભારે ઉત્સાહનો માહોલ જોવા મળી રહ્યો છે. એસઆરસીની આ મહત્વની ૩ બેઠકો માટે ગત તા. ૧૮, ૧૯ અને ૨૦ ના રોજ સળંગ ત્રણ દિવસ સુધી મતદાન પ્રક્રિયા યોજવામાં આવી હતી. આ ચૂંટણીમાં કુલ ૬ ઉમેદવારો વચ્ચે સીધો જંગ હતો, જેમાં સેવક લખવાણી,…
લોકભાષા-ગાંધીધામ : ગાંધીધામના મચ્છુનગર રેલ્વે ફાટક પાસે બાવળની ઝાડીમાંથી મળી આવેલ એક ૪૫ વર્ષીય મહિલાની લાશના કેસમાં પૂર્વ કચ્છ ગાંધીધામ જીલ્લા પોલીસે રેપ વિથ મર્ડર (બળાત્કાર અને હત્યા) ના આ ગંભીર ગુનામાં સંડોવાયેલા અજાણ્યા આરોપીને ગણતરીના કલાકોમાં જ શોધી કાઢીને જેલના સળિયા પાછળ ધકેલી દીધો છે. બનાવની મળતી વિગતો મુજબ તા. ૧૯ સપ્ટેમ્બર ૨૦૨૬ ના રોજ ગાંધીધામના મચ્છુનગર રેલ્વે ફાટક પાસે આવેલ બાવળની ઝાડીમાંથી એક આશરે ૪૫ વર્ષના મહિલાની હત્યા કરાયેલી લાશ મળી આવી હતી. આરોપીએ મહિલાની હત્યા કરી લાશને ઝાડીઓની અંદર ફેંકી દીધી હતી. આ ચકચારી ઘટના અંગે ગાંધીધામ બી ડિવિઝન પોલીસ સ્ટેશનમાં ભારતીય ન્યાય સંહિતા-૨૦૨૩ ની કલમ-૧૦૩(૧) મુજબ…
લોકભાષા-ગાંધીધામ : ગણેશ ઉત્સવ દરમિયાન સમગ્ર દેશ સહિત ગુજરાતમાં ભક્તિ અને ઉત્સાહનો માહોલ જોવા મળે છે. લોકો ગણેશ ચતુર્થીના પવિત્ર દિવસે વિઘ્નહર્તા દેવની ભારે આસ્થા અને ધામધૂમ પૂર્વક સ્થાપના કરે છે. ભક્તો પોતાની શ્રદ્ધા અનુસાર ત્રણ, પાંચ, સાત કે દશ દિવસ સુધી બાપાની ભક્તિભાવ પૂર્વક પૂજા-અર્ચના અને આરતી કરે છે. જોકે, ઉત્સવના અંતે વાજતે-ગાજતે ગણેશજીની વિદાય આપીને જ્યારે મૂર્તિઓનું વિસર્જન કરવામાં આવે છે, ત્યારે દર વર્ષે એક પીડાદાયક ચિત્ર સામે આવે છે. ભક્તો દ્વારા નદી, તળાવ કે દરિયાઈ વિસ્તારોમાં ભારે હૈયે ગણેશજીની મૂર્તિઓનું વિસર્જન કરવામાં આવે છે. પરંતુ વિસર્જનના બીજા જ દિવસે જળાશયોના કિનારે જે દ્રશ્યો જોવા મળે છે તે…